Hotel Gacayte Bosaso oo Markale dib loo furay(Sawiro)
Bosaso(PP)Munaasabad balaaran oo Lagu furaayay hotelka casriga ah ee Gacayte oo dib uhabayn balaaran lagu sameeyay oo manta lagu qabtay mid kamid ah hoolalka Hotelka ee magaalda Bosaso ee xarunta gobalka Bari ,waxaana ka qaybgalay masuliyiin ka tirsa dowlada puntland oo uu kamid ahaa wasiirka wasaarada maaliyada dowlada puntland Dr. Shire xaaji faarax , Xildhibaano, Maamulka Gobalka Bari, Qaarkamid ah Isimada Puntland kuwooda ugu magaca wayn, Odayaal Dhaqmeed , Aqoonyahano, Ganacsato , Haween iyo Martisharaf Kale oo Aad ufarbadan.
Nabadon Cabdi Qaadir Axmed Ibraahim “Xarago”oo ugu horeen munaasabada daah furay ayaa xaflada ka soojeediyay hadalo ubadnaa soodhawayn ,sidookale waxa uu ka warbixiyay Taariikhda hotelka Iyo qaybaha kalduwan ee uu ka koobanyahay
Afhayeenka Isimada puntland Garaad Cabdulaahi cali Ciid , Uagss Xasan Ugaas Yaasiin iyo Beeldaaje Cali Beeldaaje Faarax oo kamid ah Isimada puntland ,Kana mid ahaa waxgaradkii munaasabada ka hadlaya ayaa ayaa soodhaweeyay furitaanka hotelka Gacayte , waxaan ay sidoo kale Amaan iyo ducoba ujeediyeen ganacsade xaaji Xuseen cagayte oo ay sheegeen in ka qaybqaatay xayaabo farabadan oo hormar u ah dalka
Cabdirixmaan Cabdulaahi ”Dayax” Madaxa Suuqgeynta Shirkadda Golis oo ku hadlay afka Ganacsatada ayaa tilmaamay in hotelkan uu kamid yahay macaamiisha shirkada Golis, laga helidoono adeegyada casriga ah ee shirkada Bixiso, gaar Ahaa internet xawaaro Sare leh oo 24- saac ah
Guudoomiyaha Gobalka Bari Cabdi Samad maxamed “Galan” Ayaa dhankiisa sheegay ka maamul ahaan in ay soodhawaynayaa hotelka casrig ah ,ayna lashaqayn doonaan
Wasiirka wasaarada maaliyada dowlada puntland Dr. Shire xaaji faarax oo gabagabdii Munaasabda sooxiray ayaa xusay in hotelka casriga ah uu uu daboolaayo mid kamid ah Caqabdo ay kala kulmijireen da’dka Ajaaniibta ah ee soobooqanaayo deegaanada puntland
Hotelka Gacayta oo kamid ah hoteeladii ugu horeeyay ee bosaso oo dib u casriyayn lagu sameeyay ayaa waxauu qayb ka noqonayaa dhismihiisa dhismayaasha casriga ah ee maalinba maalinta ka danbaysa ku soo badanaayo Magaalada Bosaso oo ah xarunta dhaqaalaha dowalada Puntland
